Njësi kondensimi me ftohje frigoriferike ZEAS

Njësi kondensimi me ftohje frigoriferike ZEAS

Zgjidhje të besueshme dhe efikase në energji për përdorime me ftohje frigoriferike me temperaturë të mesme dhe të ulët.

Efikasitet në energji

Projektuar me teknologjinë VRV dhe teknologjinë me inverter të krijuara nga ne, njësitë me kondensim Daikin ZEAS reduktojnë konsumin tuaj të energjisë me 10 deri 35% krahasuar me sistemet tradicionale të ftohjes frigoriferike. Kombinuar me teknologjinë tonë të ekonomizimit, njësitë me kondensim ZEAS janë më efikase, rrojnë më shumë dhe performojnë me kapacitet më të lartë sesa çdo zgjidhje tjetër në treg.

Efikasitet në energji
ZEAS plotëson nevojat e ndërtesës suaj
ZEAS plotëson nevojat e ndërtesës suaj

Plotëson nevojat e ndërtesës suaj

Njësitë ZEAS janë të montuara në fabrikë dhe gjurma e tyre e reduktuar e bën të lehtë instalimin në hapësira të vogla. Dizajni i tyre modular maksimizon fleksibilitetin sepse mund t'i gruponi njësitë e jashtme në blloqe ose radhë, ose mund t'i shpërndani ato nëpër ndërtesë sipas nevojave tuaja. Kontrollet e integruara dhe veçoritë e automatizuara të optimizimit ju lejojnë të instaloni një njësi ZEAS si zgjidhje "plug-and-play". Me raportin më të mirë në treg sipërfaqe-kapacitet, ajo ju ofron gjithashtu edhe kursime të larta në lidhje me hapësirën e përdorur. Mos u shqetësoni se mund të shqetësoni njeri, njësitë ZEAS funksionojnë aq qetë sa fqinjët tuaj as nuk do ta vënë re se është aty.

Gamë e gjerë temperaturash

Për kapacitete më të mëdha, mund të kombinoni dy njësi të jashtme ZEAS në paralel dhe të përdorni vetëm një linjë kryesore për thithjen dhe lëngjet. ZEAS është e disponueshme në gama të ndryshme kapaciteti nga 5 deri 40 HP dhe ofron kapacitetin e kërkuar të ftohjes frigoriferike për pajisjet e palëve të treta siç janë kasat e hapura, ngrirësit me dyer prej xhami dhe avulluesit.

  • Temperaturat e ambientit: -20°C deri +43°C
  • Temperaturat e avullimit: -45°C deri +10°C
ZEAS Gamë e gjerë temperaturash
Modbus Gjithmonë në kontroll

Gjithmonë në kontroll

Kontrollet inteligjente dhe të integruara sigurojnë që njësia juaj të funksionojë gjithmonë në mënyrë të sigurt dhe efikase. Ju mund ta lidhni gjithashtu njësinë tuaj të ftohjes frigoriferike me një sistem monitorues nga një palë e tretë përmes ndërfaqes Modbus të Daikin.

Hipermarket ZEAS

1. Hipermarket

Pasi patën kursime të jashtëzakonshme në energji me Daikin VRV në dyqanin e tyre në Holandë, pronari i dyqanit dëshironte te instalonte një sistem Daikin në hipermarketin e vet në Aruba. Pas analizës së detajuar, instaluam një miks prej 15 njësish ZEAS së bashku me 18 njësi VRV për t'i dhënë dyqanit një sistem jashtëzakonisht të sigurt për garantuar që produktet ushqimore të qëndronin të freskëta dhe të ftohta në çdo moment.

Punishte birre

2. Punishte birre

Një punishte tradicionale artizanale birre që ndodhej brenda një ndërtese historike në Gjermaninë lindore, kërkonte një zgjidhje klime që duhej të kursente hapësirë. Punishtja e birrës nuk është vetëm ambient prodhimi dhe magazinimi, por ka edhe një bar ku vizitorët mund të vijnë dhe të shijojnë birrën. Duke qenë se nevojiteshin temperatura të ndryshme ambienti, ne instaluam një sistem ZEAS për të garantuar që birra të prodhohej, të ruhej dhe të shërbehej në temperaturën e përkryer.

ZEAS Përpunim mishi

3. Fabrikë përpunimi mishi

Pronarët e një fabrike të madhe përpunimi mishi në Gjermani na kërkuan të projektojmë një sistem ftohjeje procesesh për të kontrolluar me saktësi temperaturat në dhoma të shumta frigoriferike, njësi përpunimi dhe dhoma magazinimi. Ne instaluam një kombinim prej 10 njësish ZEAS për të krijuar një zgjidhje efikase në energji që ishte e pajisur me tepricë të plotë njësish dhe një sistem të pandërprerë kundër humbjes së presionit . Dizajni modular do të thotë se mund t'i stivonim ato shumë pranë avulluesve duke reduktuar në mënyrë të konsiderueshme hapësirën dhe kohën.

Restorant

4. Restorant

Si ndërtesë historike që ndodhej në zonën ultra-moderne la Defence të Parisit, ky restorant elitar kërkonte një zgjidhje moderne dhe shumë efikase për ftohjen frigoriferike. Duke pasur parasysh kufizimet e shumta për shkak të domethënies historike të ndërtesës, ne zgjodhëm një sistem ZEAS , falë fleksibilitetit të gamës. Ne e instaluam njësinë kryesore në shkallaren që çonte në tarracë, e cila kërkonte një njësi me fryrje nga lart me tub jashtëzakonisht të gjatë . Me ZEAS, mund ta projektoni sistemin tuaj për t'iu përshtatur ndërtesës suaj, duke arritur njëkohësisht efikasitetin më të lartë të energjisë.

ZEAS Sallë eventesh

5. Sallë eventesh

Një sallë e njohur eventesh me 17 mijë vende në Holandë, organizon mbi 100 evenimente me rreth 1 milion vizitorë çdo vit. Sistemi i ftohjes frigoriferike ka një kërkesë të lartë gjatë evenimenteve me 114 banakë frigoriferikë ekspozues dhe njësi ngrirëse, por kur salla nuk është në përdorim, ka kërkesë shumë më të ulët. Prandaj, sistemi duhet të jetë shumë efikas në energji si në periudhat me kërkesë të lartë ashtu dhe me ngarkesë të pjesshme, të cilat ZEAS është projektuar që t'i përballojë me lehtësi. Ne instaluam 6 njësi të mëdha dhe 2 të vogla për të përshtatur kërkesën me konsumin më të ulët të energjisë.

Mësoni më shumë