Kuintesenca e një pompe nxehtësie
Daikin Altherma 3 H HT është investim në komoditet dhe kursime energjie. Kjo pompë nxehtësie ajër-ujë siguron ngrohje, ftohje dhe ujë të ngrohtë në çast, dhe përdor më pak energji për ta bërë këtë. Ky sistem është ideal për pronarët e shtëpive që duan të kalojnë nga bojleri ose sistemi tradicional i ngrohjes në një zgjidhje më ekologjike dhe më efikase në kosto.
Dizajni
Plotëson të gjitha llojet e shtëpive nga brenda dhe jashtë.
Tingulli
E mban ambientin të qetë dhe relaksues pa ndërprerje.
Performanca
Përfiton nga teknologjitë më të fundit për të kursyer energji dhe para.
Kombinimi
Personalizon sistemin për t’u përshtatur me stilin tuaj të jetesës dhe nevojat tuaja për komoditet.
Dizajni i vlerësuar me çmim
Pronarët e shtëpive duan një njësi që jo vetëm performon mirë, por edhe duket bukur në çdo dhomë. Kjo është arsyeja pse Daikin ka synuar të krijojë një njësi me veçori të shkëlqyera teknike dhe një dizajn të gjithanshëm. Me këto përpjekje Daikin Altherma 3 H HT, ka fituar jo një, por dy çmime prestigjioze për dizajnin.
Ajo që është e shkëlqyer nga brenda, duhet të duket e shkëlqyer edhe nga jashtë…
Mënyra më e mirë për të përshkruar njësinë e jashtme Daikin Altherma 3 H HT është: e pastër, minimale dhe e pakomplikuar. Një grilë e zezë horizontale mbulon të gjithë pllakën e përparme për të fshehur ventilatorin dhe për të reduktuar zhurmën e tij gjatë punës, ndërkohë që finitura gri mat reflekton ngjyrën e murit të jashtëm për të ndihmuar që njësia të gërshetohet në mjedise dhe peizazhe të ndryshme.
Qetësia është komoditet
Kur punon në Standard Sound Mode, niveli i presionit të zhurmës së njësisë së jashtme është 38 dBA (në 3 metra), që është diku mes cicërimave të zogjve dhe një biblioteke të qetë. Në Low Sound Mode, presioni i zhurmës reduktohet në gjysmë (35 dBA në 3 metra).
Dëgjoni Daikin Altherma 3 H HT në punë
Si matet zhurma
Fuqia e zhurmës gjenerohet nga vetë njësia, pavarësisht distancës dhe mjedisit. Presioni i zhurmës është zhurma e kapur në një distancë të caktuar. Presioni i zhurmës zakonisht llogaritet në distancë 1 deri 5 metra nga njësia.
Performanca e jashtëzakonshme vjen nga brenda
Daikin Altherma 3 H HT përmban teknologjitë më të fundit HVAC, të zhvilluara në Evropë për klimat evropiane. Zbuloni
veçoritë që e bëjnë këtë produkt të dallohet nga të tjerët.
Krijuar me kujdes
1. Kasa moderne
Inxhinierët e Daikin kanë bashkëpunuar me dizajnerët për të sjellë diçka të freskët në njësinë tradicionale të jashtme. Frymëzuar nga dizajni i shkëlqyer i njësive të brendshme Daikin, kjo njësi e jashtme përmban një pllakëz të përparme tërheqëse dhe linja të pastra që gërshetohen me lehtësi me ambientin rrotull.
2. Ventilator me kapacitet të lartë
Njësitë me kapacitet të lartë kanë tendencën të punojnë me dy ventilatorë, por kjo njësi e jashtme ka nevojë vetëm për një. Ventilatori pak më i madh përmirëson qarkullimin e ajrit, që e ndihmon atë të arrijë një zhurmë të ulët gjatë punës.
3. Kompresor krejtësisht i ri
Daikin Europe ka bashkëpunuar me Daikin Technology and Innovation Centre në Japoni për të zhvilluar një kompresor special që jep ujë në 70°C. Kjo pompë nxehtësie me temperaturë të lartë është gjithashtu e para që përdor R-32: një agjent ftohës më efikas në energji që çliron më pak emetime CO2 .
4. Izolim rezistent
Izolimi me 3 shtresa dhe jastëkët prej gome mes pllakës së poshtme dhe pllakës së dridhjeve thithin dhe izolojnë zhurmat që krijon kompresori gjatë punës.
Luftoni të ftohtin
Daikin Altherma 3 H HT është një zgjidhje ngrohjeje me energji të rinovueshme që performon po aq mirë në klimat e ftohta si në ato të ngrohta. Krahasuar me sistemet e tjera të ngrohjes, kjo gamë përdor ajrin e jashtëm për të ofruar kapacitetin e duhur të ngrohtësisë dhe ujit të ngrohtë, edhe në temperatura deri në - 28°C.
Një zgjidhje e vetme, shumë kombinime
Gama përfshin një njësi të jashtme që është kompatibël me tre njësi të ndryshme fituese çmimesh, që të gjitha mund të
personalizohen për të ofruar ngrohje, ftohje dhe ujë të ngrohtë në shtëpi.
Zgjidhni njësinë tuaj të brendshme
Zbuloni tre njësitë e brendshme që janë pjesë e kësaj game dhe tre cilësimet e ndryshme (tre veçoritë) nga të cilat mund të zgjidhni për ta përshtatur gamën që të plotësojë nevojat tuaja të klimës.
1. Modeli me montim në mur
Një njësi kompakte që kombinohet me një depozitë të veçantë për të ofruar ujë të ngrohtë në shtëpi. Ky model ofron një funksion ftohjeje opsionale.
2. Modeli me depozitë inoksi të integruar për ujin e ngrohtë në shtëpi
Një njësi kompakte me gjurmë prej 595 x 625 mm. Njësia lidhet me një depozitë 180 ose 230 litra për të plotësuar kërkesat për ujë të ngrohtë në shtëpi dhe mund të funksionojë në cilësime ftohjeje dhe bizonale.
3. Modeli me depozitë të integruar ECH2O për ujin e ngrohtë në shtëpi
Njësia ECH2O vjen me një depozitë termike të ujit të ngrohtë në shtëpi prej 300 ose 500 litrash që mund të lidhet me panelet diellore termike. Ky model ofron një cilësim ftohjeje opsionale.
Tre veçori
Vetëm ngrohje
Funksioni vetëm ngrohje është standard në gamën e produkteve Daikin dhe disponohet për të tre njësitë e brendshme. Ky cilësim ofron ngrohje ambienti dhe ujë të ngrohtë në shtëpi.
Kthimi i funksionimit
Nëse ju nevojitet ftohje komode përveç ngrohjes dhe ujit të ngrohtë, atëherë zgjidhja më e mirë është funksioni i Kthimit të funksionimit. E disponueshme për tre njësitë e brendshme, kjo veçori lejon që sistemi të kthejë funksionimin e vet për të ofruar ftohje në vend të ngrohjes. Ky cilësim kërkon një sistem tubacionesh nën dysheme ose njësi ventilkonvektorësh.
Bizonal
Njësia e integruar me qëndrim në dysheme është e vetmja njësi e brendshme e pajisur me cilësim bizonal. Me funksionin bizonal, mund të zgjidhni të menaxhoni dhe kontrolloni temperaturën e dy zonave të veçanta në shtëpinë tuaj që përdor emetues të ndryshëm, si p.sh. radiatorë ose ngrohje nën dysheme.
